இறைவனை இறைஞ்சு இன்ஷா அல்லாஹ் இனியவை நிகழும்

எல்லா நிலைகளிலும் இன்னிலையில் இருக்கப் போவதாக நினைக்கிறாய்
இல்லா நிலையிலிருந்து இன்னிலைக்கு உருவாக்கியவனை நினைக்க மறந்தாய்

எவ்வழியில் போவதென்றும் அறிந்தவனாய் இல்லை
எவ்வழியிலிருந்து வந்தவனென்று அறிந்தவனாய் இல்லை

உயிர்பெற்று விழும்போது கதறினாய்
உயிரற்று விழும்போது கதறுவார்கள்

உயிரோடு விழும்போது தாங்கிப் பிடித்தது பூமி
உயிரற்று விழும்போது விழுங்க வைத்து மூடி விடுவர் பூமியில்

ஆத்மா நிலையிலிருந்து ஆன்மா நிலைக்கு மாறினாய்
ஆன்மா நிலையில் உனை உயர்வாக்கிக் கொள்ள
ஆத்மா நிலையில் உயர் நிலையில் வாழ்ந்து விடு
ஆன்மாவும் ஆத்மாவும் இறைவன் அருள் பெற உயர்வாகி விடும்


தவறு செய்து தன்னையே வருத்திக் கொள்கிறாய்
தவறைக் கொண்டு தன்னை திருத்திக் கொள்ள முயல்வதில்லை

நம்பிக்கையை இறைவன் மீது வை
நம்பிக்கை இறைவன் மீது வைக்க வழி பிறக்கும்

இறைவன் உன் அருகில் இருக்கிறான்
இறைவன் காட்டிய வழியை உன் பாதையாக அமைத்துக் கொள்

இறைவனை இறைஞ்சு
இன்ஷா அல்லாஹ் இனியவை நிகழும்