Monday 27 October 2014

நிறைவேறாத காதலாக இருப்பினும்..!

காதல் அனுபவம்

உன்னை ஒருவள் காதலிக்கிறாள்
உனக்கும் அவளிடம் காதல் உண்டு

அவள் காதலை மறைமுகமாக உன்னிடம் தெரிவித்து விட்டாள்
அவள் காதலை தெரிந்தும் அதனை விரும்பியும் அதனை நீ காட்டிக் கொள்ளவில்லை

காலம் கடந்தது
நீயும் பெற்றோர் உனக்கு திருமணம் செய்விக்க விரும்பியவளை திருமணம் செய்துக்கொண்டு நிம்மதியாக வாழ்வை மகிழ்வாய் கடத்துகிறாய்
அவள் நிலையும் அவ்விதே இருக்கும் !

நிறைவோடு அவள் உன் வாழ்வெல்லாம் வந்து காட்சி அளிக்கிறாள்
நிறைவேறாத காதலாக இருப்பினும்
நிலையாக மனதில் நிற்பவளாக அவள் உன் மனதில்
அழியாத கோலங்கள்
இதுதான்
இச்சைக்கு முக்கியம் தராத
உண்மையான காதல்

Mohamed Ali

எனக்கு பிடித்த ஒரு சொல்

எனக்கு பிடித்த ஒரு சொல்
உனக்கும் பிடித்திருக்குமென்று
எனக்கு பிடித்த உன்னிடம் சொல்ல
உனக்கு பிடிக்கவில்லையென்றால் ஒதுங்கி விடு
உனக்கு பிடிக்கவில்லையென்பதற்காக
ஓலமிட்டு ஊரை கூட்டுகின்றாய்
கூடிய மக்கள் அச்சொல்லின் உயர்வை அறியாரோ!

பொருத்தமான சொல்லை
பொருந்தியவளிடம்
பொருத்தமாக சொல்வதில் பெருமகிழ்வு
பொருளற்ற பல்லாயிரம் சொற்களை விட
பொருத்தமான காதலிக்கிறேன் என்ற சொல்
மேலானதாய் மனதில் பட்டது

காதலிப்பது தவறா
காதலை சொல்வதை தவறா
காதல் என்ற சொல்லே தவறா
ஊரைக் கூட்டி ஓலம் போடாதே

காதல் ஒன்று இல்லையனில்
உலகமே ஒன்றுமில்லாமல் போய்விடும்
 

Saturday 25 October 2014

நெஞ்சமெல்லாம் நிறைந்த வாழ்த்துகள் வாழ்வில் உயர்வைத் தர உதவுகின்றன


(கணவர்களாகிய) நீ்ங்கள் (மனைவிகளாகிய) அவர்களுக்கு ஆடையாகவும், (மனைவிகளாகிய) அவர்கள் உங்களுக்கு ஆடையாகவும் இருக்கிறீர்கள். -

திருக்குர்ஆன்: 2:187

"நீங்கள் அமைதிபெற உங்களில் இருந்தே துணைவியரை உங்களுக்காகப் படைத்து உங்களுக்கிடையே அன்பையும், இரக்கத்தையும் ஏற்படுத்தியிருப்பது அவனது சான்றுகளில் ஒன்றாகும். சிந்திக்கின்ற சமுதாயத்திற்கு இதில் பல சான்றுகள் உள்ளன.

-திருக்குர்ஆன் 21:30
*********************************************************************

Thursday 23 October 2014

அறிய வாழ்வை உயர்வாக்கிக் கொள்ளல் வேண்டும்

விரும்பியது கிடைத்தது
விரும்பியது தேடியும் கிடைத்தது
விரும்பியது தேடாமலும் கிடைத்தது
விரும்பியது கிடைத்ததால் வாழ்வு மகிழ்வானது

வாழ்வில் நிறைவு பெற்றதால்
வாழ்வை தொடர விரும்பவில்லையென்று
யாரும் நிறைவாக சொல்வதில்லை